අගහරුවාදා,සිකුරාදා Funeral ගන්නේ නැත්තේ ඇයි??

අද මම කියන්න යන දේ ගැන ඔයාලගෙත් අදහස්,විවේචන තියෙන්න පුලුවන්..සමහර විට මම හේතුව නොදැන ඉන්නත් පුලුවන්..

හරි හරි එහෙනම් කතාව කියලම ඉමුකෝ හරි වැ‍රැද්ද අහගන්න..

කස්ටියම දන්නවනේ ගොඩක් පැති වල කවුරුහරි මැරුණම මිනිය ගෙට ගන්නෙවත්,වලලන්නෙවත් නෑ අගහරුවාදා,සිකුරාදා දවස් වල..

ගොඩක් වෙලාවට හේතුව ඇහුවම වැඩිහිටියොත් කියනවා ඒ කාලේ ඉදන්ම එහෙම තමයි කියලා..

සමහරු කියනවා ඒක අසුභයිලු..

තව අය කියනවා ජීවිත කාලෙම ඕනේ වෙලාවක ගෙදර ආපු මනුස්සයා මැරුනාම විතරක් ඒ දවසට ගෙට ගන්නේ නැත්තේ ඇයි කියලා..

මේ ගැන පොඩ්ඩක් කරුණු දන්න කෙනෙක් මට මෙහෙම කිව්වා..ඉතින් මම කතාව කියන්නම්කෝ..

අපේ රට ඉන්දියාවත් එක්ක ඉස්සර ඉදන්ම ගොඩක් ලොකු සම්බන්ධයක් තියනවනේ..

ඉතින් ඉන්දියාවෙ කට්ටිය මැරුණම එයාල ගොඩක් වෙලාවට කරන්නේ පුච්චන එකනේ..පුච්චලා කොහෙ හරි ගගක අලු පා කරනවලු..

ගොඩක් වෙලාවට එයාලා මේකට ගන්නේ ගංගා කියන ගග..

ඉන්දියාවේ පූජකයෝ නාන්න යන්නේ මේ ගංගා වගේ ගගවල් වලටලු..

එයාලා නාන්නේ අගහරුවාදා සිකුරාදා විතරලු..ඉතින් ඒ දවස් වලට ඉන්දියාවේ ගොඩක් ගංගා වල අලු පා කරන්න තහනම්ලු..

ඒක නිසා ඉන්දියාවේ මේ දවස් දෙකේ ‍ෆියුනරල් ගන්නේ නැතිලු..

කොහොමින් කොහොම හරි මේක ලංකාවටත් ඇවිත් අපිත් ඒ දවස් දෙකේ මේවා කරන්නේ නැතිලු..

බලාගෙන යනකොට ඉන්දියාවේ ගංගා වල පූජකයෝ නාන නිසා අපිත් මෙහෙ මිනී ගෙට ගන්නේ නැතිලු :D

ඔය මම අහගත්ත ටික හොදේ..වැරදිනම් බනින්නේ නැතුව කියලා දෙන්නකෝ